ట్రాఫిక్‌కు అంతరాయం లేకుండా దసరా ఉత్సవాలు నిర్వహించాలి

దసరా ఉత్సవాలను శాంతియుత వాతావరణంలో, ట్రాఫిక్‌కు అంతరాయం కలగకుండా నిర్వహించుకోవాలని పోలీస్ కమిషనర్ శ్వేత సూచించారు. సోమవారం దసరా ఉత్సవ కమిటీ సభ్యులు ఆమెను కలిసి ఉత్సవాల నిర్వహణకు సంబంధించిన వినతిపత్రాన్ని అందజేశారు.

ఈ సందర్భంగా ఉత్సవాల నిర్వహణలో అవసరమైన జాగ్రత్తలు తీసుకోవాలని కమిషనర్ సూచించారు. ప్రజలకు, వాహనదారులకు ఇబ్బందులు కలగకుండా ట్రాఫిక్ నియంత్రణపై దృష్టి సారించాలని తెలిపారు. దసరా ఉత్సవాల సందర్భంగా అవసరమైన పోలీసు బందోబస్తు ఏర్పాటు చేస్తామని హామీ ఇచ్చారు.

ఈ కార్యక్రమంలో నాగపురి సంజయ్ బాబు, మేడిది మధుసూదన్, గోనే రాంప్రసాద్ తదితరులు పాల్గొన్నారు.