రామ లింగేశ్వర స్వామి వారి దేవాలయంలో ఎంగిలి పూల బతుకమ్మ వేడుకలు

ఉరుమడ్లలో నేడు ఎంగిలిపూల బతుకమ్మ వేడుకలు

నల్గొండ జిల్లా, చిట్యాల మండలం, ఉరుమడ్ల గ్రామంలో అక్టోబర్ 10న ఎంగిలిపూల బతుకమ్మ వేడుకలను నిర్వహించనున్నారు. గ్రామ పంచాయతీ పాలకవర్గం ఆధ్వర్యంలో శనివారం సాయంత్రం 6 గంటలకు గ్రామంలోని రామలింగేశ్వర స్వామి ఆలయ ప్రాంగణంలో ఈ వేడుకలు జరగనున్నాయి.

తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగలో భాగంగా నిర్వహిస్తున్న ఈ కార్యక్రమంలో గ్రామంలోని మహిళలు, యువతులు పెద్ద సంఖ్యలో పాల్గొనాలని నిర్వాహకులు కోరారు. వివిధ రకాల పూలతో బతుకమ్మలను అలంకరించి వేడుకల్లో పాల్గొని కార్యక్రమాన్ని విజయవంతం చేయాలని పిలుపునిచ్చారు.

గ్రామ సర్పంచ్ సాగర్ల భానుశ్రీ భిక్షం, ఉపసర్పంచ్ ఉయ్యాల నరేష్, గ్రామ పంచాయతీ పాలకవర్గం ఆధ్వర్యంలో ఈ వేడుకలు నిర్వహించనున్నారు.