పోలవరంలో టీడీపీ అభ్యర్థుల విస్తృత ప్రచారం

• నాలుగో రోజు ఇంటింటి ప్రచారంలో పాల్గొన్న కూటమి నాయకులు

 ఏలూరు జిల్లా, నూజివీడు నియోజకవర్గం, చాట్రాయి మండలం పోలవరం గ్రామంలో తెలుగుదేశం పార్టీ ఎంపీటీసీ అభ్యర్థి చల్లగుళ్ల రాజ్యలక్ష్మి, జెడ్పీటీసీ అభ్యర్థి శేఖర్‌కు మద్దతుగా నాలుగో రోజు ఎన్నికల ప్రచారం నిర్వహించారు. నవంబర్ 3న జరగనున్న ఎంపీటీసీ, జెడ్పీటీసీ ఎన్నికల్లో కూటమి అభ్యర్థుల విజయమే లక్ష్యంగా నాయకులు, కార్యకర్తలు ఇంటింటికీ తిరుగుతూ ఓటర్లను కలిసి ప్రచారం సాగించారు. ఈ ప్రచారంలో పోలవరం గ్రామ టీడీపీ అధ్యక్షుడు బిలుగుల జయరాజు, చాట్రాయి మండల టీడీపీ మాజీ అధ్యక్షుడు మరిడి వెంకటేశ్వరరావు (చిట్టిబాబు), పోలవరం పీఏసీఎస్ అధ్యక్షుడు ఎర్ర ప్రసాదరావు, ప్రాజెక్టు కమిటీ చైర్మన్ ఎర్ర రమేష్, టీడీపీ నాయకులు పాపన జానకిరామయ్య, మిద్దె పార్థసారథి, పజ్జూరి చెన్నారావు, యువ నాయకుడు తక్కెళ్లపాటి రామ్ శరత్, జనసేన నాయకులు పసుపులేటి నాగేశ్వరరావు, దాది నరసింహారావుతో పాటు పలువురు టీడీపీ నాయకులు, కార్యకర్తలు, మహిళలు పాల్గొన్నారు. అభ్యర్థులకు మద్దతుగా ఓటర్లను కలిసి, ఎన్నికల్లో విజయం సాధించేలా కృషి చేయాలని కోరుతూ ప్రచారాన్ని కొనసాగించారు.