గంపలగూడెంలో ట్రాక్టర్ ట్రైలర్ చోరీ..

గంపలగూడెంలో ట్రాక్టర్ ట్రైలర్ చోరీ.. సీసీ కెమెరాలతో పోలీసుల దర్యాప్తు

ఎన్టీఆర్ జిల్లా, తిరువూరు నియోజకవర్గం, గంపలగూడెం మండలం తోటమూల:

గంపలగూడెం మండలంలో ట్రాక్టర్ ట్రైలర్ చోరీ ఘటన కలకలం రేపింది. తోటమూల గ్రామంలోని ఆర్‌సీఎం చర్చి సమీపంలో పార్క్ చేసిన ట్రైలర్‌ను గుర్తు తెలియని వ్యక్తులు అపహరించినట్లు సమాచారం.

వినగడప గ్రామానికి చెందిన బత్తుల అంజయ్యకు చెందిన ట్రాక్టర్ ట్రైలర్‌ను తోటమూలలో నిలిపి ఉంచగా, గుర్తు తెలియని దుండగులు చోరీ చేసినట్లు బాధితుడు తెలిపారు. ఈ ఘటనపై బాధితుడు గంపలగూడెం పోలీస్ స్టేషన్‌లో ఫిర్యాదు చేశారు.

ఫిర్యాదు స్వీకరించిన పోలీసులు ఘటన స్థలాన్ని పరిశీలించి, సమీపంలోని సీసీ కెమెరా ఫుటేజీలను పరిశీలిస్తున్నారు. చోరీకి పాల్పడిన వ్యక్తులను గుర్తించేందుకు దర్యాప్తు ముమ్మరం చేశారు.