కండక్టర్ ప్రవళిక కుటుంబానికి అండగా ప్రభుత్వం, ఆర్టీసీ
ప్రవళిక తల్లికి ఉద్యోగం, ఇందిరమ్మ ఇల్లు.. రూ.10 లక్షల ఎక్స్‌గ్రేషియా, బ్యాంకు ప్రమాద బీమా కింద కోటి రూపాయలు
హైదరాబాద్: ఉస్మానియా ఆసుపత్రి మార్చురీ వద్ద ఆర్టీసీ కండక్టర్ ప్రవళిక పార్థివదేహానికి నివాళులర్పించారు. అనంతరం ఆమె తల్లిని పరామర్శించి, ఈ కష్ట సమయంలో ఆర్టీసీ కుటుంబం అండగా ఉంటుందని భరోసా ఇచ్చారు.
ప్రభుత్వం నుంచి సహాయం
ముఖ్యమంత్రి రేవంత్ రెడ్డి ఆదేశాల మేరకు ప్రవళిక కుటుంబానికి ప్రభుత్వం అండగా నిలవాలని నిర్ణయించినట్లు వెల్లడించారు. ఇందులో భాగంగా ప్రవళిక తల్లికి ప్రభుత్వ ఉద్యోగం, ఇందిరమ్మ ఇల్లు మంజూరు చేయనున్నట్లు తెలిపారు.
రూ.10 లక్షల ఎక్స్‌గ్రేషియా.. కోటి రూపాయల ప్రమాద బీమా
ప్రభుత్వం, ఆర్టీసీ తరఫున కలిపి రూ.10 లక్షల ఎక్స్‌గ్రేషియా అందించనున్నట్లు పేర్కొన్నారు. ఆర్టీసీ తీసుకున్న నిర్ణయం ప్రకారం బ్యాంకు ద్వారా కోటి రూపాయల ప్రమాద బీమా కూడా కుటుంబానికి అందనుంది.
ప్రవళిక కుటుంబానికి అవసరమైన సహాయాన్ని అందించి అండగా ఉంటామని హామీ ఇచ్చారు.
