హమాలీవాడలో చలివేంద్రం, అంబలి పంపిణీ కార్యక్రమం
హమాలీవాడలో చలివేంద్రం, అంబలి పంపిణీ కార్యక్రమం
మంచిర్యాల: కొక్కిరాల రఘుపతిరావు చారిటబుల్ ట్రస్ట్ ఆధ్వర్యంలో, గౌరవ మంచిర్యాల ఎమ్మెల్యే కొక్కిరాల ప్రేమ్ సాగర్ రావు గారి నేతృత్వంలో వేసవి కాలాన్ని పురస్కరించుకుని నియోజకవర్గవ్యాప్తంగా చలివేంద్రాలు, అంబలి పంపిణీ కేంద్రాలను ఏర్పాటు చేయడం జరిగింది.
ఇందులో భాగంగా ఈరోజు హమాలీవాడ కట్ట మిషన్ వద్ద ఏర్పాటు చేసిన కేంద్రంలో 56వ డివిజన్ కార్పొరేటర్ నల్ల శంకర్ గారు పాల్గొని ప్రజలకు అంబలి పంపిణీ చేశారు. ఈ సందర్భంగా ఆయన మాట్లాడుతూ.. భానుడి భగభగలకు ప్రజలు అల్లాడిపోతున్న తరుణంలో, వారి దాహార్తిని తీర్చడానికి ఎమ్మెల్యే ప్రేమ్ సాగర్ రావు గారు చారిటబుల్ ట్రస్ట్ ద్వారా ఇలాంటి సేవా కార్యక్రమాలు చేపట్టడం అభినందనీయమని కొనియాడారు.
ప్రజలు ఈ సౌకర్యాన్ని వినియోగించుకోవాలని, ఎండల పట్ల అప్రమత్తంగా ఉండాలని ఆయన కోరారు. ఈ కార్యక్రమంలో స్థానిక నాయకులు, కార్యకర్తలు మరియు ప్రజలు పెద్ద ఎత్తున పాల్గొన్నారు.
