ఎడవల్లి వద్ద ఘోర రోడ్డు ప్రమాదం.. ఇద్దరు మృతి

కనిగిరి: మండలంలోని ఎడవల్లి వద్ద సోమవారం ఘోర రోడ్డు ప్రమాదం చోటుచేసుకుంది. రెండు ఆటోలు ఎదురెదురుగా ఢీకొన్న ఘటనలో ఇద్దరు వ్యక్తులు అక్కడికక్కడే మృతి చెందారు.

మృతులను కమ్మవారిపల్లెకు చెందిన కోలా ఎలైజర్, గుంటూరు సుబ్బారావుగా పోలీసులు గుర్తించారు. ప్రమాద సమాచారం అందుకున్న పోలీసులు వెంటనే ఘటనా స్థలానికి చేరుకుని పరిశీలించారు.

అనంతరం మృతదేహాలను పరిశీలించి, కేసు నమోదు చేశారు. ప్రమాదానికి గల కారణాలపై పోలీసులు దర్యాప్తు చేపట్టారు. ప్రమాదానికి సంబంధించిన పూర్తి వివరాలు పోలీసుల దర్యాప్తులో వెల్లడికానున్నాయి.