ఢిల్లీ ఘటనలపై ఐరాస వ్యాఖ్యలకు భారత్ స్పందన

న్యూఢిల్లీ: న్యూఢిల్లీలో ఇటీవల జరిగిన ఘటనలపై ఐక్యరాజ్యసమితి మానవ హక్కుల హైకమిషనర్ కార్యాలయం చేసిన వ్యాఖ్యలను భారత్ గమనించిందని విదేశాంగ మంత్రిత్వ శాఖ (MEA) వెల్లడించింది.

ప్రపంచంలోనే అతిపెద్ద ప్రజాస్వామ్య దేశమైన భారత్‌లో శాంతియుతంగా సమావేశమయ్యే హక్కుకు రాజ్యాంగం హామీ ఇస్తోందని విదేశాంగ శాఖ స్పష్టం చేసింది. స్వతంత్ర న్యాయవ్యవస్థ, స్వేచ్ఛాయుత మీడియా సహా దేశంలోని బలమైన సంస్థలు ఈ హక్కును పరిరక్షిస్తున్నాయని పేర్కొంది.

ప్రతి ప్రజాస్వామ్యంలో మాదిరిగానే భారత్‌లోనూ శాంతియుతంగా సమావేశమయ్యే హక్కు ప్రజా శాంతి, భద్రతకు సంబంధించిన చట్టపరమైన పరిమితులకు లోబడి ఉంటుందని MEA తెలిపింది. చట్ట అమలు సంస్థలు చట్ట ప్రకారమే పనిచేస్తాయని, ఫిర్యాదుల పరిష్కారానికి న్యాయస్థానాలు అందుబాటులో ఉన్నాయని వెల్లడించింది.