కనుమూరు సహకార సొసైటీలో గోల్డ్ లోన్ లాకర్ ప్రారంభం

కనుమూరు సహకార సొసైటీలో గోల్డ్ లోన్ లాకర్ ప్రారంభం

ఎన్టీఆర్ జిల్లా గంపలగూడెం మండలం కనుమూరు గ్రామంలోని సహకార సొసైటీలో నూతనంగా ఏర్పాటు చేసిన గోల్డ్ లోన్ లాకర్‌ను కేడీసీసీ చైర్మన్ నెట్టేం రఘురాం, తిరువూరు ఎమ్మెల్యే కొలికపూడి శ్రీనివాసరావు కలిసి ప్రారంభించారు.

ఈ సందర్భంగా వారు మాట్లాడుతూ సహకార సొసైటీల ద్వారా రైతులు, ఖాతాదారులకు మరింత మెరుగైన సేవలు అందించేందుకు చర్యలు తీసుకుంటున్నట్లు తెలిపారు. బంగారు ఆభరణాలపై రుణ సదుపాయం గ్రామీణ ప్రాంత ప్రజలకు ఎంతో ఉపయోగకరంగా ఉంటుందని పేర్కొన్నారు.

గోల్డ్ లోన్ లాకర్ ప్రారంభంతో కనుమూరు పరిసర గ్రామాల ప్రజలకు సులభంగా రుణ సౌకర్యం అందుబాటులోకి రానుందని సొసైటీ ప్రతినిధులు తెలిపారు. కార్యక్రమంలో సహకార సంఘం సభ్యులు, అధికారులు, స్థానిక నాయకులు పాల్గొన్నారు.