లక్షెట్టిపేటలో ఘనంగా మేడే వేడుకలు

లక్షెట్టిపేటలో ఘనంగా మేడే వేడుకలు

​లక్షెట్టిపేట, మే 1:పట్టణంలో మేడే  సందర్భంగా కార్మిక దినోత్సవ వేడుకలు అత్యంత వైభవంగా జరిగాయి. ఈ సందర్భంగా కార్మికులు ఉత్సాహంగా పాల్గొని కార్మిక జెండాలను ఎగురవేశారు. అనంతరం ఉట్కూర్ చౌరస్తా నుండి బస్టాండ్ వరకు భారీ ర్యాలీ నిర్వహించారు. బ్యాండ్ మేళాల మధ్య నృత్యాలు చేస్తూ కార్మికులు తమ ఐక్యతను చాటారు.

​ఈ సందర్భంగా పలువురు కార్మిక నేతలు మాట్లాడుతూ.. కార్మికుల హక్కుల కోసం, వారి జీవనోపాధి మెరుగుపడేందుకు ప్రతి ఒక్కరూ ఐక్యంగా పోరాడాలని పిలుపునిచ్చారు. కార్మికుల సమస్యల పరిష్కారానికి సంఘటిత శక్తి అవసరమని వారు స్పష్టం చేశారు. ఈ కార్యక్రమంలో పట్టణంలోని వివిధ రంగాలకు చెందిన కార్మికులు పెద్ద సంఖ్యలో పాల్గొన్నారు