తిరువూరు లో న్యాయవాదుల విధుల బహిష్కరణ

కృష్ణాజిల్లా బార్ ఫెడరేషన్ పిలుపు మేరకు అడ్వకేట్స్ ప్రొటెక్షన్ యాక్ట్‌ను తీసుకురావాలని డిమాండ్ చేస్తూ తిరువూరు న్యాయవాదులు కోర్టు విధులను బహిష్కరించారు. అక్టోబర్ 7 నుంచి 9వ తేదీ వరకు విధుల బహిష్కరణ చేపట్టాలని నిర్ణయించారు.

ఈ నిర్ణయంలో భాగంగా బుధవారం తిరువూరు కోర్టులో న్యాయవాదులు విధులకు హాజరుకాకుండా నిరసన తెలిపారు. అడ్వకేట్స్ ప్రొటెక్షన్ యాక్ట్‌ను అమలు చేయాలని వారు డిమాండ్ చేశారు. ఈ క్రమంలో గురువారం నుంచి కోర్టు ప్రాంగణంలో రిలే నిరాహార దీక్షలు నిర్వహించనున్నట్లు తిరువూరు బార్ అసోసియేషన్ అధ్యక్షుడు సంకురాత్రి జనార్ధన్ రావు తెలిపారు.

ఈ కార్యక్రమంలో బార్ అసోసియేషన్ ప్రధాన కార్యదర్శి గోగిరెడ్డి కృష్ణారెడ్డి, కార్యదర్శి కనపర్తి రాంబాబు, సీనియర్ న్యాయవాదులు, పలువురు న్యాయవాదులు పాల్గొన్నారు. న్యాయవాదుల రక్షణ చట్టం సాధించే వరకు ఐక్యంగా పోరాటం కొనసాగిస్తామని వారు తెలిపారు.