నెల్లిమర్లలో చిరుజల్లులు.. రైతులకు కొంత ఉపశమనం
ఆంధ్రప్రదేశ్
/
విజయనగరం
Rayi sreenivasu
నెల్లిమర్ల నియోజకవర్గ ప్రతినిధి
నెల్లిమర్ల: నెల్లిమర్ల పరిసర ప్రాంతాల్లో తెల్లవారుజాము నుంచి చిరుజల్లుల నుంచి మోస్తరు వర్షం కురుస్తోంది. గత కొంతకాలంగా ఆశించిన స్థాయిలో వర్షాలు లేకపోవడంతో ప్రస్తుతం కురుస్తున్న వర్షంతో ప్రజలు, ముఖ్యంగా రైతులు కొంత ఉపశమనం పొందుతున్నారు.
వర్షం కారణంగా వాతావరణం చల్లబడింది. పంటలకు ఈ వర్షం కొంత మేలు చేస్తుందని రైతులు ఆశాభావం వ్యక్తం చేస్తున్నారు. రానున్న రోజుల్లో మరిన్ని వర్షాలు కురిసి సాగుకు అనుకూల పరిస్థితులు ఏర్పడాలని రైతులు కోరుతున్నారు.
నెల్లిమర్ల పరిసర ప్రాంతాల్లో వర్షం కొనసాగుతుండటంతో ప్రజలు అప్రమత్తంగా ఉండాలని స్థానికులు సూచిస్తున్నారు.
