విస్సన్నపేటలో ఘనంగా మహాత్మా గాంధీ 157వ జయంతి వేడుకలు

విస్సన్నపేట, అక్టోబర్ 2: ఎన్టీఆర్ జిల్లా విస్సన్నపేట బస్టాండ్ సెంటర్‌లో జాతిపిత మహాత్మా గాంధీ 157వ జయంతి వేడుకలను ఘనంగా నిర్వహించారు. ఈ సందర్భంగా గాంధీ విగ్రహానికి పూలమాలలు వేసి నివాళులర్పించారు. అనంతరం స్వీట్లు పంపిణీ చేసి జయంతి వేడుకలను జరుపుకున్నారు.

ఈ సందర్భంగా పగుట్ల శాంతభూషణం మాట్లాడుతూ భారత స్వాతంత్ర్య ఉద్యమంలో మహాత్మా గాంధీ కీలక పాత్ర పోషించారని తెలిపారు. ఉప్పు సత్యాగ్రహంలో పాల్గొని, దేశ ప్రజలను ఏకతాటిపైకి తీసుకువచ్చి స్వాతంత్ర్య పోరాటానికి నాయకత్వం వహించారని పేర్కొన్నారు. అహింస, సత్యాగ్రహ మార్గాల ద్వారా దేశ ప్రజల్లో స్వాతంత్ర్య స్ఫూర్తిని నింపిన మహాత్ముడి జయంతి సందర్భంగా ఆయనకు ఘన నివాళులర్పించారు.

ఈ కార్యక్రమంలో కాంగ్రెస్ పార్టీ మాజీ సర్పంచ్ కుక్కడపు ప్రసాదరావు, మాజీ మండల అధ్యక్షుడు గోళ్ళ గురునాథం, మండల ప్రధాన కార్యదర్శి పగుట్ల శాంతభూషణం, ఎ.కొండూరు మండల కాంగ్రెస్ పార్టీ అధ్యక్షుడు తాళ్ల సురేష్, అనుమోలు బాజీ, వంకదార ప్రభాకరరావు, గుడ్ల శ్రీనివాసరావు, పెండెం నాగేశ్వరరావు తదితరులు పాల్గొన్నారు.