సౌతాఫ్రికా సఫారీలో సింహాల మధ్య మంత్రి సీతక్క

హైదరాబాద్: సౌతాఫ్రికా పర్యటనలో భాగంగా తెలంగాణ మంత్రి సీతక్క అక్కడి చారిత్రక ప్రదేశాలు, వన్యప్రాణులు, గిరిజన ప్రాంతాలను సందర్శించారు. ఈ సందర్భంగా సఫారీలో రెండు శిక్షణ పొందిన సింహాల మధ్య కొంతసేపు గడిపారు. సింహాల వెనుక సీతక్క నడుస్తున్న వీడియోను ఆమె తన వాట్సాప్ స్టేటస్‌లో పోస్ట్ చేయడంతో ఈ దృశ్యం ఆసక్తికరంగా మారింది.

పర్యటనలో భాగంగా సీతక్క అక్కడ నిర్వహించిన బతుకమ్మ వేడుకల్లో పాల్గొన్నారు. అలాగే సౌతాఫ్రికాలో అమలవుతున్న వ్యవసాయ విధానాలు, గిరిజన ప్రాంతాల పరిస్థితుల గురించి తెలుసుకున్నారు.

మంత్రి సీతక్క సౌతాఫ్రికా పర్యటన నిన్నటితో ముగిసింది. పర్యటనలోని వివిధ కార్యక్రమాలు, సింహాలతో ఉన్న వీడియో ప్రస్తుతం చర్చనీయాంశంగా మారాయి.