తిరుపతిలో మైనర్ బాలిక అదృశ్యం....

తిరుపతి.

తిరుపతి నగరంలోని కొర్లగుంట కట్ట కింద పల్లెకు చెందిన 14 ఏళ్ల మైనర్ బాలిక అదృశ్యమైన ఘటన కలకలం రేపింది.

సమాచారం మేరకు.. బాలిక తన స్నేహితురాలి ఇంటికి వెళ్లింది. అయితే మరుసటి రోజు కూడా ఇంటికి తిరిగి రాకపోవడంతో ఆందోళన చెందిన తల్లిదండ్రులు బంధువులు, పరిచయస్తుల వద్ద ఆరా తీశారు. బాలిక ఆచూకీ లభించకపోవడంతో చివరకు పోలీసులను ఆశ్రయించారు.

బాలిక తల్లి యశోద ఇచ్చిన ఫిర్యాదు మేరకు తిరుపతి ఈస్ట్ పోలీసులు మిస్సింగ్ కేసు నమోదు చేశారు. ఈస్ట్ ఎస్సై స్వాతి ఆధ్వర్యంలో పోలీసులు బాలిక ఆచూకీ కోసం దర్యాప్తు ప్రారంభించారు.

బాలిక ఎక్కడికి వెళ్లింది, ఎవరితోనైనా వెళ్లిందా, చివరిసారిగా ఎక్కడ కనిపించింది అనే కోణాల్లో పోలీసులు వివరాలు సేకరిస్తున్నారు. బాలిక స్నేహితులు, కుటుంబ సభ్యులు, పరిచయస్తులను విచారించడంతో పాటు అందుబాటులో ఉన్న సీసీ కెమెరాల ఫుటేజీలను పరిశీలించే అవకాశం ఉంది.

బాలిక ఆచూకీ తెలిసిన వారు వెంటనే పోలీసులకు సమాచారం అందించాలని అధికారులు కోరుతున్నారు. మైనర్ బాలిక కావడంతో ఆమె భద్రతకు సంబంధించిన అంశాన్ని పోలీసులు ప్రాధాన్యతగా తీసుకుని గాలింపు చర్యలు చేపట్టారు.