రూ.2.50 లక్షల ఎల్‌ఓసీ చెక్కు అందజేసిన ఎమ్మెల్యే కుంభం
మొగిలిపాక గ్రామానికి చెందిన జడిగే పద్మకు ఆర్థిక సహాయం
వలిగొండ, నవంబర్ 3 (ఎన్ టుడే న్యూస్):
యాదాద్రి భువనగిరి జిల్లా వలిగొండ మండలం మొగిలిపాక గ్రామానికి చెందిన కాంగ్రెస్ పార్టీ గ్రామ శాఖ మాజీ అధ్యక్షుడు జడిగే వెంకన్న భార్య జడిగే పద్మకు మంజూరైన రూ.2,50,000 విలువైన ఎల్‌ఓసీ (లెటర్ ఆఫ్ క్రెడిట్) చెక్కును భువనగిరి ఎమ్మెల్యే కుంభం అనిల్ కుమార్ రెడ్డి అందజేశారు.
కష్టకాలంలో అండగా నిలిచిన ఎమ్మెల్యేకు కృతజ్ఞతలు
ఈ సందర్భంగా మొగిలిపాక గ్రామ ప్రజలు ఎమ్మెల్యే కుంభం అనిల్ కుమార్ రెడ్డికి కృతజ్ఞతలు తెలిపారు. కష్టసమయాల్లో ఆర్థిక సహాయం అందిస్తూ బాధిత కుటుంబాలకు అండగా నిలుస్తున్నారని పేర్కొన్నారు. గ్రామ ప్రజల తరఫున ఆయనకు ప్రత్యేక ధన్యవాదాలు తెలియజేశారు.
పాల్గొన్న నాయకులు
ఈ కార్యక్రమంలో గ్రామ శాఖ అధ్యక్షుడు పబ్బు ఎల్లయ్య గౌడ్, కాంగ్రెస్ పార్టీ నాయకులు ముద్దసాని రాంచంద్ర రెడ్డి, పులిపల్పుల రాములు గౌడ్ తదితరులు పాల్గొన్నారు.
