BREAKING
thumb ● ముదిరాజ్‌లను బీసీ ‘డీ’ నుంచి ‘ఏ’ కేటగిరీలోకి మార్చాలి thumb ● గార్ల ఆర్యవైశ్య సంఘం నూతన అధ్యక్షుడిగా కనకశేఖరం, కార్యదర్శిగా శ్రీనివాసరావు ఎన్నిక thumb ● కేసముద్రంలో పోలీసుల ముమ్మర తనిఖీలు thumb ● పిల్లల్లో పౌష్టికాహార లోపాన్ని నిర్మూలించడమే సీఎం రేవంత్‌రెడ్డి లక్ష్యం thumb ● నూకం మల్లేష్ ముదిరాజ్ కుమార్తె వివాహ వేడుకకు హాజరైన అంతటి రాజు గౌడ్ thumb ● బాల్య వివాహాల నివారణపై అంగన్వాడి కేంద్రంలో అవగాహన సదస్సు thumb ● ఇందిరమ్మ కుటుంబ జీవిత బీమా పథకం మార్గదర్శకాలు విడుదల thumb ● మర్రి చెన్నారెడ్డి మునిమనవరాలి వివాహ వేడుకకు హాజరైన ఝాన్సీ రాజేందర్ రెడ్డి thumb ● అనారోగ్యంతో మృతి చెందిన ఆగయ్య కుటుంబానికి ఆర్థిక సహాయం thumb ● మాదకద్రవ్యాల నిర్మూలనపై న్యాయ అవగాహన సదస్సు thumb ● ముదిరాజ్‌లను బీసీ ‘డీ’ నుంచి ‘ఏ’ కేటగిరీలోకి మార్చాలి thumb ● గార్ల ఆర్యవైశ్య సంఘం నూతన అధ్యక్షుడిగా కనకశేఖరం, కార్యదర్శిగా శ్రీనివాసరావు ఎన్నిక thumb ● కేసముద్రంలో పోలీసుల ముమ్మర తనిఖీలు thumb ● పిల్లల్లో పౌష్టికాహార లోపాన్ని నిర్మూలించడమే సీఎం రేవంత్‌రెడ్డి లక్ష్యం thumb ● నూకం మల్లేష్ ముదిరాజ్ కుమార్తె వివాహ వేడుకకు హాజరైన అంతటి రాజు గౌడ్ thumb ● బాల్య వివాహాల నివారణపై అంగన్వాడి కేంద్రంలో అవగాహన సదస్సు thumb ● ఇందిరమ్మ కుటుంబ జీవిత బీమా పథకం మార్గదర్శకాలు విడుదల thumb ● మర్రి చెన్నారెడ్డి మునిమనవరాలి వివాహ వేడుకకు హాజరైన ఝాన్సీ రాజేందర్ రెడ్డి thumb ● అనారోగ్యంతో మృతి చెందిన ఆగయ్య కుటుంబానికి ఆర్థిక సహాయం thumb ● మాదకద్రవ్యాల నిర్మూలనపై న్యాయ అవగాహన సదస్సు
Test 4
Date of Publish : 21 November 2026, 01:49 pm
Posted by : గడ్డం జగన్మోహన్ రెడ్డి

నందమూరి బాలకృష్ణకు తెలుగు విశ్వవిద్యాలయం విశిష్ట పురస్కారం.. ప్రభుత్వం సానుకూలం!

ఆంధ్రప్రదేశ్
Reporter
గడ్డం జగన్మోహన్ రెడ్డి ఆంధ్రప్రదేశ్ స్టేట్ బ్యూరో
21 Nov, 2026 - 01:49 PM
24 వీక్షణలు

రెండు మూడు రోజుల్లో అధికారిక ప్రకటన వెలువడే అవకాశం.. ఐదు దశాబ్దాల సినీ ప్రస్థానం, క్యాన్సర్ ఆసుపత్రి ద్వారా సామాజిక సేవకు గుర్తింపు విశిష్ట పురస్కారానికి బాలకృష్ణ పేరు ప్రతిపాదన.. అవార్డుపై అప్పుడే మొదలైన చర్చలు హైదరాబాద్: ప్రముఖ సినీ నటుడు, హిందూపురం ఎమ్మెల్యే, పద్మభూషణ్ పురస్కార గ్రహీత నందమూరి బాలకృష్ణకు సురవరం ప్రతాపరెడ్డి తెలుగు విశ్వవిద్యాలయం అందించే 2026 సంవత్సరపు ప్రతిష్టాత్మక విశిష్ట పురస్కారం దక్కనున్నట్లు ప్రచారం జరుగుతోంది. ఈ మేరకు విశ్వవిద్యాలయ వర్గాలు బాలకృష్ణ పేరును ప్రతిపాదించగా, రాష్ట్ర ప్రభుత్వం కూడా సానుకూలంగా స్పందించినట్లు సమాచారం. మరో రెండు మూడు రోజుల్లో దీనిపై అధికారిక ప్రకటన వెలువడే అవకాశం ఉందన్న వార్తలు సినీ, రాజకీయ వర్గాల్లో ఆసక్తికర చర్చకు తెరలేపాయి. అయితే ఇప్పటివరకు విశ్వవిద్యాలయం నుంచి తుది అధికారిక ప్రకటన వెలువడలేదు. దాదాపు ఐదు దశాబ్దాలుగా తెలుగు సినీ రంగంలో తనదైన నటనతో ప్రేక్షకులను అలరిస్తున్న బాలకృష్ణ సేవలను గుర్తించి ఈ పురస్కారానికి ఆయన పేరును పరిశీలిస్తున్నట్లు తెలుస్తోంది. ముఖ్యంగా పౌరాణిక, చారిత్రక, జానపద పాత్రలతో తెలుగు ప్రేక్షకుల మనసుల్లో ప్రత్యేక స్థానం సంపాదించుకోవడంతో పాటు, బసవతారకం ఇండో-అమెరికన్ క్యాన్సర్ ఆసుపత్రి ఛైర్మన్‌గా ఆయన అందిస్తున్న వైద్య సేవలను కూడా పరిగణనలోకి తీసుకున్నట్లు సమాచారం. ఆర్థికంగా వెనుకబడిన ఎంతోమంది క్యాన్సర్ బాధితులకు వైద్య సేవలు అందించడంలో ఆసుపత్రి చేస్తున్న కృషి ఈ ప్రతిపాదనలో కీలక అంశంగా నిలిచినట్లు తెలుస్తోంది. అయితే అధికారిక ప్రకటన వెలువడకముందే ఈ పురస్కారంపై భిన్నాభిప్రాయాలు వ్యక్తమవుతున్నాయి. బాలకృష్ణకు అవార్డు ఇవ్వడాన్ని కొందరు సమర్థిస్తుండగా, మరికొందరు అభ్యంతరాలు వ్యక్తం చేస్తున్నారు. ఆయన ఆంధ్రప్రదేశ్‌లో తెలుగుదేశం పార్టీ ఎమ్మెల్యేగా ఉండటం, తెలంగాణలో కాంగ్రెస్ ప్రభుత్వం అధికారంలో ఉండటం నేపథ్యంలో రాజకీయ కోణంలోనూ కొందరు విమర్శలు చేస్తున్నారు. మరోవైపు కళాకారులకు ప్రాంతీయ, రాజకీయ హద్దులు వర్తించవని, కళా సేవకు గుర్తింపునిచ్చే విషయంలో రాజకీయాలను ముడిపెట్టడం సరికాదని ఆయన అభిమానులు, సినీ వర్గాల వారు అభిప్రాయపడుతున్నారు. తెలుగు విశ్వవిద్యాలయం అందించే విశిష్ట పురస్కారాలకు ప్రత్యేకమైన గుర్తింపు ఉంది. తెలుగు భాష, సాహిత్యం, సంగీతం, నాటకం, జానపద కళలు, పరిశోధన తదితర రంగాల్లో విశేష సేవలు అందించిన ప్రముఖులను ఈ పురస్కారాల ద్వారా గౌరవిస్తూ వస్తున్నారు. ఈ నేపథ్యంలో వాణిజ్య చిత్రాల కథానాయకుడిగా గుర్తింపు పొందిన బాలకృష్ణకు విశ్వవిద్యాలయ పురస్కారం ఇవ్వాలనే ప్రతిపాదనపై విద్యావేత్తలు, సాహితీవేత్తల్లో చర్చ జరుగుతోంది. విశ్వవిద్యాలయ పురస్కారాల ఎంపికలో ప్రజాదరణతో పాటు భాషా, సాహిత్య, కళాత్మక సేవలకు కూడా సముచిత ప్రాధాన్యం ఉండాలని కొందరు అభిప్రాయపడుతున్నారు. మరోవైపు బాలకృష్ణ అభిమానులు మాత్రం ఆయనకు ఈ పురస్కారం ఇవ్వడంలో ఎలాంటి అభ్యంతరం లేదని పేర్కొంటున్నారు. ఐదు దశాబ్దాల సినీ ప్రస్థానంలో ఎన్నో విభిన్న పాత్రలు పోషించారని, తెలుగు సంస్కృతి, సంప్రదాయాలు ప్రతిబింబించే చిత్రాల్లో నటించారని గుర్తుచేస్తున్నారు. ముఖ్యంగా పౌరాణిక, చారిత్రక చిత్రాల ద్వారా తెలుగు ప్రేక్షకులకు చిరస్మరణీయమైన పాత్రలను అందించారని చెబుతున్నారు. నటుడిగా ఆయన అందించిన సేవలతో పాటు క్యాన్సర్ ఆసుపత్రి ద్వారా కొనసాగుతున్న సామాజిక సేవను కూడా గుర్తించాలని కోరుతున్నారు. 1991లో ప్రారంభమైన తెలుగు విశ్వవిద్యాలయ విశిష్ట పురస్కారానికి గతంలో అనేక రంగాలకు చెందిన ప్రముఖులు ఎంపికయ్యారు. సంగీత పరిశోధకుడు వీఏకే రంగారావు, దర్శకుడు బాపు, సింగీతం శ్రీనివాసరావు, సాహితీవేత్త ముదిగంటి సుజాతారెడ్డి, ఆంధ్ర నాట్య కళాకారుడు కళాకృష్ణ, కూరెళ్ల విఠలాచార్య, భరత్‌భూషణ్, నందిని సిధారెడ్డి, బి. నర్సింగరావు, చుక్కా సత్తయ్య, కొలకలూరి ఇనాక్, సి. నారాయణరెడ్డి తదితరులు ఈ పురస్కారాన్ని అందుకున్న వారిలో ఉన్నారు. ఈ అవార్డు కింద లక్ష రూపాయల నగదు, జ్ఞాపిక, ప్రశంసాపత్రంతో పురస్కార గ్రహీతలను సత్కరిస్తారు. గతంలో సినీ రంగానికి చెందిన దర్శకులు, కళాకారులు ఈ పురస్కారాన్ని అందుకున్నప్పటికీ, పూర్తి స్థాయి వాణిజ్య చిత్రాల కథానాయకుడిగా గుర్తింపు పొందిన బాలకృష్ణ పేరు ప్రతిపాదనకు రావడం ఇప్పుడు ప్రత్యేక చర్చకు కారణమైంది. ఇప్పటికే ఆయనకు పద్మభూషణ్ పురస్కారం ప్రకటించడంతో పాటు సినీ రంగంలో అనేక గుర్తింపులు లభించాయి. ఈ నేపథ్యంలో తెలుగు విశ్వవిద్యాలయం అందించే విశిష్ట పురస్కారం కూడా దక్కితే ఆయన కళా ప్రస్థానానికి మరో గుర్తింపుగా నిలుస్తుందని అభిమానులు భావిస్తున్నారు. ఇదిలా ఉండగా, బాలకృష్ణకు పురస్కారం ఖరారైనట్లు వస్తున్న వార్తలపై విశ్వవిద్యాలయం నుంచి ఇంకా అధికారిక ధ్రువీకరణ రాలేదు. ముఖ్యమంత్రి రేవంత్ రెడ్డి ఆమోదం తెలిపినట్లు ప్రచారం జరుగుతున్నప్పటికీ, తుది నిర్ణయం, పురస్కార ప్రదానోత్సవ తేదీపై స్పష్టత రావాల్సి ఉంది. ప్రస్తుతం బాలకృష్ణ తన సినిమా షూటింగ్‌లో బిజీగా ఉన్నట్లు సమాచారం. పురస్కార ప్రదానోత్సవానికి ఆయన తేదీలను కూడా విశ్వవిద్యాలయ వర్గాలు పరిశీలిస్తున్నట్లు ప్రచారం సాగుతోంది. మొత్తానికి బాలకృష్ణ పేరుపై జరుగుతున్న చర్చకు అధికారిక ప్రకటనతోనే తెరపడనుంది. అప్పటివరకు ఈ విశిష్ట పురస్కారం ఎవరికి దక్కుతుందన్న అంశంపై ఉత్కంఠ కొనసాగుతోంది.