కనిగిరిలొని శాఖా గ్రంథాలయంలో ఈనెల 14 నుంచి జాతీయ గ్రంథాలయ వారోత్సవాలు

వారం రోజుల పాటు వివిధ సాంస్కృతిక, సాహిత్య, విద్యా కార్యక్రమాలు

కనిగిరి: కనిగిరిలోని శాఖా గ్రంథాలయంలో ఈ నెల 14 నుంచి 20వ తేదీ వరకు జాతీయ గ్రంథాలయ వారోత్సవాలను నిర్వహించనున్నట్లు గ్రంథపాలకుడు అహ్మద్ షరీఫ్ తెలిపారు. వారం రోజుల పాటు విద్యార్థులు, మహిళలు, పుస్తక ప్రియులను భాగస్వాములను చేస్తూ వివిధ కార్యక్రమాలు, పోటీలు నిర్వహించనున్నట్లు వెల్లడించారు.

ఈ సందర్భంగా వారోత్సవాల కార్యక్రమాల వివరాలను ఆయన వెల్లడించారు. ఈ నెల 14న వారోత్సవాల ప్రారంభోత్సవంతో పాటు బాలల దినోత్సవ కార్యక్రమాన్ని నిర్వహించనున్నారు. 15న పుస్తక ప్రదర్శన ఏర్పాటు చేయనున్నారు. 16న గ్రంథాలయ ఉద్యమకారుల సేవలు, వారి కృషిపై ప్రసంగ కార్యక్రమాలు నిర్వహించనున్నారు. 17న కవి సమ్మేళనం ఏర్పాటు చేయనున్నారు.

అలాగే 18న విద్యార్థినీ విద్యార్థులకు వ్యాసరచన, వక్తృత్వం తదితర పోటీలు నిర్వహించనున్నారు. 19న మహిళా దినోత్సవాన్ని పురస్కరించుకుని మహిళలకు ప్రత్యేక పోటీలు ఏర్పాటు చేయనున్నారు. చివరి రోజైన 20న వారోత్సవాల ముగింపు వేడుకలు నిర్వహించి, వివిధ పోటీల్లో విజేతలుగా నిలిచిన వారికి బహుమతులు అందజేయనున్నారు.

గ్రంథాలయాల ప్రాముఖ్యతను ప్రజలకు తెలియజేయడం, పుస్తక పఠనంపై ఆసక్తిని పెంపొందించడం, విద్యార్థుల్లో సృజనాత్మకతను ప్రోత్సహించడం లక్ష్యంగా ఈ కార్యక్రమాలను నిర్వహించనున్నట్లు గ్రంథపాలకుడు అహ్మద్ షరీఫ్ తెలిపారు. విద్యార్థులు, మహిళలు, సాహిత్యాభిమానులు, పుస్తక ప్రియులు వారోత్సవాల్లో పాల్గొని కార్యక్రమాలను విజయవంతం చేయాలని కోరారు.