రైతులకు అండగా ధాన్యం కొనుగోలు కేంద్రాలు ప్రారంభం

జనగామ జిల్లా, అక్టోబర్ 10: రైతులు పండించిన వరి ధాన్యాన్ని కొనుగోలు చేసేందుకు జనగామ జిల్లా పాలకుర్తి మండలంలోని మంచుపుల, శాతపురం దుబ్బతండ (ఎస్పీ) గ్రామాల్లో ఐకేపీ ఆధ్వర్యంలో ఏర్పాటు చేసిన ధాన్యం కొనుగోలు కేంద్రాలను అధికారులు, గ్రామ సర్పంచులు కలిసి ప్రారంభించారు. ఏపీఎం జ్యోతి బసు ఈ కార్యక్రమంలో పాల్గొని కొనుగోలు కేంద్రాలను ప్రారంభించారు.

వరి ధాన్యం విక్రయించేందుకు రైతులకు ఇబ్బందులు కలగకుండా కొనుగోలు కేంద్రాలను అందుబాటులోకి తీసుకొచ్చారు. ఈ కేంద్రాల ద్వారా రైతులు తమ ధాన్యాన్ని విక్రయించుకునేందుకు అవకాశం కల్పించారు. కొనుగోలు కేంద్రాల ప్రారంభంతో స్థానిక రైతులకు ప్రయోజనం చేకూరనుంది.

ఈ కార్యక్రమంలో ఉప సర్పంచులు, ఏఈఓ దీపక్, సీసీ శ్రీనివాస్, వివో అధ్యక్షురాలు, సీఏలు, మహిళా సంఘాల సభ్యులు, రైతులు తదితరులు పాల్గొన్నారు.