మంచిర్యాల జిల్లా ఆర్టీఐ కమిటీ అధ్యక్షుడిగా పెద్దల చంద్రకాంత్ నియామకం
ఆర్టీఐ పరిరక్షణ కమిటీ మంచిర్యాల జిల్లా అధ్యక్షుడిగా పెద్దల చంద్రకాంత్
మంచిర్యాల: సమాచార హక్కు చట్టం పరిరక్షణ కమిటీ మంచిర్యాల జిల్లా అధ్యక్షుడిగా రామారావుపేట గ్రామానికి చెందిన పెద్దల చంద్రకాంత్ నియమితులయ్యారు. కమిటీ వ్యవస్థాపక జాతీయ అధ్యక్షుడు జంగేటి శ్రీనివాస్ ముదిరాజ్, జాతీయ ఉపాధ్యక్షుడు ఏటి ఆంజనేయులు ఆదేశాల మేరకు, తెలంగాణ రాష్ట్ర అధ్యక్షుడు ఎలిగంద వెంకటేష్ సూచనతో ఈ నియామకం చేపట్టారు. రాష్ట్ర కార్యదర్శి పరంది రమేష్ చంద్ర సమక్షంలో పెద్దల చంద్రకాంత్‌కు నియామక పత్రాన్ని అందజేశారు.
ఈ సందర్భంగా కమిటీ నాయకులు మాట్లాడుతూ సమాచార హక్కు చట్టంపై ప్రజల్లో విస్తృత అవగాహన కల్పించడంతో పాటు, చట్టం ద్వారా ప్రజలకు అందుబాటులో ఉన్న హక్కుల పరిరక్షణకు కృషి చేయాలని పెద్దల చంద్రకాంత్‌కు సూచించారు. ప్రజా సమస్యలు, ప్రభుత్వ పాలనలో పారదర్శకతకు సంబంధించిన అంశాలపై ప్రజలకు అవగాహన కల్పించడంలో కమిటీ మరింత చురుకుగా పనిచేయాలని తెలిపారు.
జిల్లా అధ్యక్షుడిగా బాధ్యతలు స్వీకరించిన పెద్దల చంద్రకాంత్ మాట్లాడుతూ తనపై నమ్మకంతో బాధ్యతలు అప్పగించిన జాతీయ, రాష్ట్ర కమిటీ నాయకులకు కృతజ్ఞతలు తెలిపారు. సమాచార హక్కు చట్టం ద్వారా ప్రభుత్వ పాలనలో పారదర్శకతను పెంపొందించేందుకు, ప్రజలకు చట్టపరమైన హక్కులపై అవగాహన కల్పించేందుకు తనవంతు కృషి చేస్తానని పేర్కొన్నారు.
