డ్రగ్స్ కంట్రోల్ అధికారులను మర్యాదపూర్వకంగా కలిసిన ఫార్మసిస్టుల సంక్షేమ సంఘం

ఫార్మసిస్టుల వృత్తిపరమైన గౌరవం, ఉద్యోగ భద్రతే లక్ష్యం.. నిజామాబాద్ జిల్లా కమిటీ ఆధ్వర్యంలో కార్యక్రమం

నిజామాబాద్ (ఎన్ టుడే న్యూస్): ఫార్మసిస్టుల సంక్షేమం, వృత్తిపరమైన గౌరవం, ఉద్యోగ భద్రత కోసం కృషి చేయడమే లక్ష్యంగా తెలంగాణ ఫార్మసిస్టుల సంక్షేమ సంఘం నిజామాబాద్ జిల్లా కమిటీ ముందడుగు వేసింది.

ఈ క్రమంలో జిల్లా కమిటీ ఆధ్వర్యంలో ఫార్మసిస్టుల సమావేశం నిర్వహించారు. సమావేశం అనంతరం సంఘం ప్రతినిధులు నిజామాబాద్ డ్రగ్స్ కంట్రోల్ శాఖ అధికారులను మర్యాదపూర్వకంగా కలిశారు.

అధికారులకు అభినందనలు

ఈ సందర్భంగా డ్రగ్స్ ఇన్‌స్పెక్టర్ ఆర్. శ్రీలత, నిజామాబాద్ అర్బన్ డ్రగ్స్ ఇన్‌స్పెక్టర్ శ్రీకాంత్‌ను కలిసి పుష్పగుచ్ఛాలు అందజేసి అభినందించారు.

ఫార్మసిస్టుల సంక్షేమం, వృత్తిపరమైన అభివృద్ధికి సంబంధించిన అంశాలపై సంఘం ప్రతినిధులు తమ లక్ష్యాలను వివరించారు.

ఈ కార్యక్రమంలో తెలంగాణ ఫార్మసిస్టుల సంక్షేమ సంఘం ప్రతినిధులు అజ్మీరా గణేష్, నాగ శంకర్, మహేష్ తదితరులు పాల్గొన్నారు.