మోదీపై రాహుల్ గాంధీ తీవ్ర వ్యాఖ్యలు

“ఐదు నిమిషాల్లో దేశద్రోహి అని నిరూపిస్తా”.. ప్రధానితో చర్చకు సిద్ధమంటూ సవాల్

న్యూఢిల్లీ, నవంబర్ 4 (ఎన్ టుడే న్యూస్): ప్రధానమంత్రి నరేంద్ర మోదీపై కాంగ్రెస్ అగ్రనేత, లోక్‌సభ ప్రతిపక్ష నాయకుడు రాహుల్ గాంధీ తీవ్ర వ్యాఖ్యలు చేశారు. తనతో చర్చకు రావాలని ప్రధాని మోదీకి సవాల్ విసిరారు. మోదీతో చర్చకు అవకాశం వస్తే ఐదు నిమిషాల్లోనే ఆయన దేశద్రోహి అని నిరూపిస్తానని వ్యాఖ్యానించారు.

ట్రంప్ నియంత్రణలో మోదీ ఉన్నారంటూ ఆరోపణ

ప్రధాని మోదీకి తనతో చర్చించే ధైర్యం లేదని రాహుల్ గాంధీ అన్నారు. ఈ అంశాలను ఎవరైనా నిష్పక్షపాతంగా పరిశీలించి నిర్ణయం తీసుకోవచ్చని పేర్కొన్నారు. అమెరికా అధ్యక్షుడు డొనాల్డ్ ట్రంప్ ప్రధాని మోదీని నియంత్రిస్తున్నారని కూడా ఆరోపించారు.

ఇన్సాఫ్ ర్యాలీలో వ్యాఖ్యలు

పంజాబ్‌లో కాంగ్రెస్ పార్టీ నిర్వహించిన 'ఇన్సాఫ్ ర్యాలీ'లో పాల్గొన్న సందర్భంగా రాహుల్ గాంధీ ఈ వ్యాఖ్యలు చేశారు. ప్రధాని మోదీపై ఆయన చేసిన ఆరోపణలు రాజకీయ వర్గాల్లో చర్చకు దారితీశాయి.