మొక్కలు నాటండి.. పర్యావరణాన్ని రక్షించండి

ఎన్టీఆర్ జిల్లా తిరువూరు నియోజకవర్గం విస్సన్నపేట మండలం నరసాపురం గ్రామంలో పర్యావరణ పరిరక్షణలో భాగంగా మొక్కలు నాటే కార్యక్రమం నిర్వహించారు. తిరువూరు ఆర్డీఓ ఏ. కుమార్ సూచనల మేరకు నిర్వహించిన ఈ కార్యక్రమంలో మండల రెవెన్యూ అధికారి కే. లక్ష్మీ కళ్యాణి, ఎంపీడీఓ చిన్న రత్నాలు, ఆర్ఐ సుజాత, ఏపీఓ రామారావు, సచివాలయ సిబ్బంది తదితరులు పాల్గొని మొక్కలు నాటారు.

పర్యావరణ పరిరక్షణకు ప్రతి ఒక్కరూ మొక్కలు నాటి వాటిని సంరక్షించాలని అధికారులు సూచించారు. పచ్చదనం పెంపొందించడం ద్వారా పరిసరాలను ఆహ్లాదకరంగా మార్చడంతో పాటు పర్యావరణ సమతుల్యతను కాపాడవచ్చని తెలిపారు. నాటిన మొక్కలను నిరంతరం సంరక్షించి, వాటి పెరుగుదలకు అవసరమైన చర్యలు తీసుకోవాలని సూచించారు.