ప్రముఖ యూట్యూబర్ 'అగ్గిపెట్టె మచ్చా' కిరణ్ కుమార్ కన్నుమూత

తిరుపతి: గత నాలుగు రోజులుగా అనారోగ్యంతో బాధపడుతున్న సోషల్ మీడియా కమెడియన్ తిరుపతిలోని సిమ్స్ ఆసుపత్రిలో చికిత్స పొందుతూ బుధవారం మృతి చెందారు.

సోషల్ మీడియాలో ‘అగ్గిపెట్టె మచ్చా’ పేరుతో తనదైన కామెడీ శైలితో ప్రేక్షకులను ఆకట్టుకున్న ఆయనకు మంచి గుర్తింపు లభించింది. తన వీడియోలు, కామెడీ కంటెంట్ ద్వారా పలువురు అభిమానులను సంపాదించుకున్నారు.

అనారోగ్యానికి గురైన ఆయన గత నాలుగు రోజులుగా ఆసుపత్రిలో చికిత్స పొందుతున్నట్లు కుటుంబ సభ్యులు తెలిపారు. చికిత్స పొందుతూ బుధవారం మృతి చెందడంతో కుటుంబ సభ్యులు, స్నేహితులు, అభిమానుల్లో విషాదం నెలకొంది.

ఆయన మృతి పట్ల కుటుంబ సభ్యులు, స్నేహితులు, అభిమానులు తీవ్ర దిగ్భ్రాంతి వ్యక్తం చేశారు. సోషల్ మీడియా వేదికగా పలువురు ఆయనతో ఉన్న అనుబంధాన్ని గుర్తు చేసుకుంటూ సంతాపం వ్యక్తం చేస్తున్నారు.