వరి పొలాల్లో నీటి ఎద్దడి లేకుండా జాగ్రత్తలు తీసుకోవాలి

డ్రోన్‌ ద్వారా పిచికారీతో తక్కువ ఖర్చులో ఎక్కువ విస్తీర్ణానికి మందుల పిచికారీ

చాట్రాయి, అక్టోబర్ 1: ఏలూరు జిల్లా, నూజివీడు నియోజకవర్గం, చాట్రాయి మండలం చాట్రాయి గ్రామంలో మండల వ్యవసాయ అధికారి బి. శివశంకర్ ఆధ్వర్యంలో గురువారం వరి పంట పొలాలను క్షేత్రస్థాయిలో పరిశీలించారు. ప్రస్తుతం వరి పంట చిరు పొట్ట దశలో ఉన్నందున పొలాల్లో నీటి ఎద్దడి లేకుండా రైతులు తగిన జాగ్రత్తలు తీసుకోవాలని సూచించారు.

నానో యూరియా, డీఏపీ, సూక్ష్మ పోషకాలు, పురుగుమందులను పిచికారీ చేయడానికి డ్రోన్‌ సేవలను వినియోగించుకోవాలని రైతులకు సూచించారు. డ్రోన్‌ ద్వారా తక్కువ సమయంలో ఎక్కువ విస్తీర్ణంలో పిచికారీ చేయడంతో ఖర్చు తగ్గుతుందని వివరించారు. ఇందులో భాగంగా అంబటి చెన్నారావుకు చెందిన వరి పొలంలో డ్రోన్‌ ద్వారా పిచికారీ చేసే విధానాన్ని ప్రదర్శించారు.

చాట్రాయి గ్రామానికి చెందిన తుమ్మల జగన్‌ (ఫోన్‌: 8099616717) వద్ద వ్యవసాయ శాఖ సబ్సిడీపై పొందిన డ్రోన్‌ అందుబాటులో ఉందని తెలిపారు. రైతులు ఈ అవకాశాన్ని వినియోగించుకుని తక్కువ ఖర్చుతో పంటలకు అవసరమైన పిచికారీ సేవలు పొందాలని మండల వ్యవసాయ అధికారి బి. శివశంకర్ కోరారు.