పామూరులో ప్రజా సమస్యలను తెలుసుకున్న SP

పామూరు: పామూరు స్థానిక పోలీస్ స్టేషన్‌లో ప్రజా సమస్యల పరిష్కార వేదిక కార్యక్రమాన్ని నిర్వహించారు. జిల్లా ఎస్పీ హర్షవర్ధన్ రాజు ఆధ్వర్యంలో నిర్వహించిన ఈ కార్యక్రమానికి ప్రజల నుంచి 41 అర్జీలు అందాయి.

ఈ సందర్భంగా ఎస్పీ హర్షవర్ధన్ రాజు బాధితులతో నేరుగా మాట్లాడి వారి సమస్యలను అడిగి తెలుసుకున్నారు. ప్రజలు అందించిన అర్జీలను పరిశీలించి, సమస్యలను పరిష్కరించే దిశగా చర్యలు తీసుకుంటామని తెలిపారు.

ప్రజలు తమ సమస్యలను పోలీసుల దృష్టికి తీసుకురావడానికి ఇటువంటి కార్యక్రమాలు ఉపయోగపడతాయని అధికారులు పేర్కొన్నారు.

కార్యక్రమంలో పామూరు పోలీస్ స్టేషన్ సిబ్బంది పాల్గొన్నారు.