రోడ్డు ప్రమాదంలో వ్యక్తి మృతి

రోడ్డు ప్రమాదంలో వ్యక్తి మృతి

N.P. కుంట మండలం బందరుచెట్ల వద్ద ఘోర రోడ్డు ప్రమాదం

కదిరి: N.P. కుంట మండలం బందరుచెట్ల సమీపంలో జరిగిన రోడ్డు ప్రమాదంలో ఓ వ్యక్తి తీవ్రంగా గాయపడి చికిత్స పొందుతూ మృతి చెందారు.

ఒడిసి మండలం డబారువాండ్లపల్లి గ్రామానికి చెందిన డేరుంగుల రమేష్ ఓ ప్రైవేట్ ఫైనాన్స్ సంస్థలో ఉద్యోగం చేస్తున్నారు. నెలాఖరు కావడంతో కార్యాలయ పనుల నిమిత్తం గాలివీడుకు వెళ్లి, తిరుగు ప్రయాణంలో రోడ్డు ప్రమాదానికి గురైనట్లు సమాచారం.

ఈ ప్రమాదంలో రమేష్ తీవ్రంగా గాయపడగా, చికిత్స నిమిత్తం కదిరి ప్రభుత్వ ఆసుపత్రికి తరలించారు. అక్కడ చికిత్స పొందుతూ మృతి చెందినట్లు సమాచారం.

ఈ ఘటనకు సంబంధించి ప్రమాదానికి గల పూర్తి కారణాలు, ఇతర వివరాలు తెలియాల్సి ఉంది.