రీ-సర్వే ప్రక్రియను వేగవంతం చేయాలి: అదనపు కలెక్టర్ రాములు

మంచిర్యాల: రీ-సర్వే గ్రామాల్లో గ్రౌండ్ ట్రూతింగ్ ప్రక్రియ పూర్తయిన అనంతరం తదుపరి చర్యలను వేగవంతం చేయాలని జిల్లా అదనపు కలెక్టర్ (రెవెన్యూ) వి. రాములు అధికారులను ఆదేశించారు.

శుక్రవారం నస్పూర్‌లోని సమీకృత జిల్లా కార్యాలయాల భవన సముదాయంలో తన ఛాంబర్‌లో సర్వే అండ్ ల్యాండ్ రికార్డ్స్ ఏడీ, డిప్యూటీ ఇన్‌స్పెక్టర్ ఆఫ్ సర్వే, తాండూర్, నెన్నెల, భీమిని, వేమనపల్లి మండలాల తహసీల్దార్లు, సంబంధిత అధికారులతో ఆయన సమీక్షా సమావేశం నిర్వహించారు.

ఈ సందర్భంగా అదనపు కలెక్టర్ మాట్లాడుతూ, రీ-సర్వే గ్రామాల్లో గ్రౌండ్ ట్రూతింగ్ పూర్తయిన తర్వాత చేపట్టాల్సిన పనులపై ప్రత్యేక దృష్టి సారించాలని సూచించారు. సర్వే ప్రక్రియలో ఇంకా మిగిలి ఉన్న పనులను గుర్తించి, సంబంధిత అధికారులు సమన్వయంతో వ్యవహరించాలని తెలిపారు.

సర్వే కార్యకలాపాలను వేగవంతం చేసి, ప్రక్రియను నిర్ణీత సమయంలో పూర్తి చేసేందుకు అవసరమైన చర్యలు చేపట్టాలని అధికారులకు సూచించారు.,

ఈ సమావేశంలో సంబంధిత శాఖల అధికారులు పాల్గొన్నారు.