అరుణాచల్ ప్రదేశ్‌లో రోడ్డు ప్రమాదం..

 బేస్తవారిపేట మండలానికి చెందిన ఆర్మీ ఉద్యోగి మృతి

బేస్తవారిపేట: మండలంలోని పందిళ్లపల్లి గ్రామంలో తీవ్ర విషాదం చోటుచేసుకుంది. గ్రామానికి చెందిన ఆర్మీ ఉద్యోగి కిషన్ అరుణాచల్ ప్రదేశ్‌లో విధులు నిర్వహిస్తుండగా రోడ్డు ప్రమాదానికి గురై మృతి చెందారు.

కిషన్ మృతితో పందిళ్లపల్లి గ్రామంలో విషాద ఛాయలు అలుముకున్నాయి. కుటుంబ సభ్యులు, బంధువులు, గ్రామస్థులు తీవ్ర దిగ్భ్రాంతికి గురయ్యారు.

కిషన్ మృతదేహాన్ని రెండు రోజుల్లో స్వగ్రామానికి తరలించేందుకు ఆర్మీ అధికారులు ఏర్పాట్లు చేస్తున్నట్లు సమాచారం. ఘటనకు సంబంధించిన పూర్తి వివరాలు తెలియాల్సి ఉంది.