కనిగిరిలో రోడ్డు ప్రమాదం.. 18 గొర్రెలు మృతి

కనిగిరి: కనిగిరిలోని టకారి పాలెం వద్ద జరిగిన రోడ్డు ప్రమాదంలో 18 గొర్రెలు మృతి చెందగా, గొర్రెల కాపరి గాయపడ్డాడు. చింతలపాలెం గ్రామానికి చెందిన డబ్బు కొట్టు శ్రీను 60 గొర్రెలను బడుగులేరు నుంచి తోలుకొని వస్తుండగా ఈ ప్రమాదం జరిగింది.

శ్రీను గొర్రెలను తోలుకొని వస్తున్న సమయంలో వేగంగా వచ్చిన కారు ఢీకొట్టినట్లు సమాచారం. ఈ ప్రమాదంలో 18 గొర్రెలు అక్కడికక్కడే మృతి చెందాయి. శ్రీనుకు గాయాలు కావడంతో చికిత్స కోసం ఆసుపత్రికి తరలించారు.

మృతి చెందిన గొర్రెల విలువ సుమారు రూ.2.70 లక్షలు ఉంటుందని శ్రీను తెలిపారు. ప్రమాదంతో తాను తీవ్రంగా నష్టపోయానని, ప్రభుత్వం తనను ఆదుకోవాలని ఆసుపత్రిలో చికిత్స పొందుతున్న ఆయన ఆవేదన వ్యక్తం చేశారు.

ఈ ఘటనపై సంబంధిత అధికారులు, పోలీసులు వివరాలు సేకరిస్తున్నట్లు సమాచారం.