సీనియర్ యూత్ కాంగ్రెస్ నాయకుడు పుల్లూరి దిలీప్ మృతి

వరంగల్: జిల్లాలో విషాదం చోటుచేసుకుంది. పర్వతగిరి మండలానికి చెందిన సీనియర్ యూత్ కాంగ్రెస్ నాయకుడు పుల్లూరి దిలీప్ సోమవారం ఉదయం మృతి చెందారు. కొద్ది రోజులుగా అనారోగ్యంతో బాధపడుతున్న ఆయన చికిత్స పొందుతూ తుదిశ్వాస విడిచారు.

దిలీప్ గతంలో యూత్ కాంగ్రెస్ వర్ధన్నపేట నియోజకవర్గ కన్వీనర్‌గా సేవలందించారు. ఆయన మృతితో కుటుంబ సభ్యులు, అనుచరులు, కాంగ్రెస్ పార్టీ శ్రేణుల్లో విషాదం నెలకొంది.

దిలీప్‌కు భార్య, ఇద్దరు కుమారులు ఉన్నారు.