బస్సులు నిలపడం లేదని జాతీయ రహదారిపై విద్యార్థుల ధర్నా....

అన్నమయ్య జిల్లా.

ములకలచెరువు:

అన్నమయ్య జిల్లా ములకలచెరువు మండలం బురకాయలకోట హైవేపై విద్యార్థులు మంగళవారం ఉదయం ధర్నాకు దిగారు. ఉదయం, సాయంత్రం వేళ కాలేజీలకు వెళ్లి తిరిగి ఇళ్లకు చేరుకునే సమయంలో ఆర్టీసీ బస్సులు నిలపడం లేదని విద్యార్థులు ఆందోళన వ్యక్తం చేశారు. బస్సులు ఆపకపోవడంతో తీవ్ర ఇబ్బందులు ఎదుర్కొంటున్నామని తెలిపారు. విద్యార్థుల సమస్యను వెంటనే పరిష్కరించి, ఉదయం, సాయంత్రం వేళల్లో బస్సులను తప్పనిసరిగా నిలిపేలా చర్యలు తీసుకోవాలని డిమాండ్ చేశారు. విద్యార్థుల ధర్నాతో హైవేపై కొద్దిసేపు ఉద్రిక్త వాతావరణం నెలకొంది.