Hanmakonda: ఈ నెల 3 నుంచి 5వ తెలంగాణ పోలీస్ గేమ్స్ అండ్ స్పోర్ట్స్ మీట్–2026
క్లస్టర్–డి పోటీలకు వరంగల్ ఆతిథ్యం.. 1,535 మంది పోలీస్ క్రీడాకారుల భాగస్వామ్యం
హనుమకొండ (ఎన్ టుడే న్యూస్):
5వ తెలంగాణ పోలీస్ గేమ్స్ అండ్ స్పోర్ట్స్ మీట్–2026 (క్లస్టర్–డి) పోటీలను వరంగల్ పోలీస్ కమిషనరేట్ ఆధ్వర్యంలో ఈ నెల 3వ తేదీ నుంచి 5వ తేదీ వరకు నిర్వహించనున్నట్లు వరంగల్ పోలీస్ కమిషనర్ ఎన్. శ్వేత, ఐపీఎస్ తెలిపారు.
మూడు వేదికల్లో క్రీడా పోటీలు
హనుమకొండలోని జేఎన్‌ఎస్ స్టేడియం, కిట్స్ కళాశాల, భీమారంలోని ఎస్‌వీఎస్ కళాశాలల్లో ఈ పోటీలను నిర్వహించేందుకు ఏర్పాట్లు చేసినట్లు కమిషనర్ వెల్లడించారు.
1,535 మంది పోలీస్ క్రీడాకారుల పాల్గొనడం
తెలంగాణ రాష్ట్రవ్యాప్తంగా వివిధ పోలీస్ యూనిట్లకు చెందిన మొత్తం 1,535 మంది పోలీస్ క్రీడాకారులు ఈ క్రీడా పోటీల్లో పాల్గొననున్నట్లు ఎన్. శ్వేత తెలిపారు. రాష్ట్రంలోని వివిధ పోలీస్ విభాగాల సిబ్బంది తమ క్రీడా ప్రతిభను ప్రదర్శించేందుకు ఈ పోటీలు వేదిక కానున్నాయి.
