తిరువూరులో ఘనంగా రాహుల్ గాంధీ 56వ జన్మదిన వేడుకలు

తిరువూరు కాంగ్రెస్ పార్టీ కార్యాలయం రాజీవ్ భవన్‌లో కాంగ్రెస్ పార్టీ అగ్రనాయకులు, లోక్‌సభలో ప్రతిపక్ష నాయకులు రాహుల్ గాంధీ 56వ జన్మదిన వేడుకలు ఘనంగా నిర్వహించారు.

ఈ సందర్భంగా కేక్ కట్ చేసి, స్వీట్స్ పంపిణీ చేశారు. కార్యక్రమాన్ని తిరువూరు కాంగ్రెస్ పార్టీ ఆధ్వర్యంలో ఉత్సాహభరిత వాతావరణంలో నిర్వహించారు.

వక్తలు మాట్లాడుతూ రాహుల్ గాంధీ నిండు నూరేళ్లు ఆయురారోగ్యాలతో ఉండాలని ఆకాంక్షించారు. ఆయన నాయకత్వంపై దేశ యువత, నిరుద్యోగులు, కార్మికులు, కర్షకులు ఆశలు పెట్టుకున్నారని తెలిపారు. ఉన్నత విద్యావంతుడైన ఆయన నాయకత్వంలో దేశ ఆర్థిక వ్యవస్థ మరింత అభివృద్ధి చెందుతుందని అభిప్రాయపడ్డారు.

ఈ కార్యక్రమంలో తిరువూరు మండల, పట్టణ మరియు బ్లాక్ కాంగ్రెస్ నాయకులు, కార్యకర్తలు, అభిమానులు పెద్ద సంఖ్యలో పాల్గొన్నారు.