ఊరుమడ్లలో శ్రీ కనకదుర్గాదేవి అమ్మవారి ప్రతిష్ఠాపన కార్యక్రమం ప్రారంభం

కొబ్బరికాయ కొట్టి కార్యక్రమాన్ని ప్రారంభించిన సర్పంచ్ సాగర్ల భానుశ్రీ భిక్షం

ఊరుమడ్ల, అక్టోబర్ 11: నల్గొండ జిల్లా చిట్యాల మండలం ఊరుమడ్ల గ్రామంలో శ్రీ కనకదుర్గాదేవి అమ్మవారి ప్రతిష్ఠాపన కార్యక్రమం ఆదివారం ప్రారంభమైంది. గ్రామ సర్పంచ్ సాగర్ల భానుశ్రీ భిక్షం, ఉపసర్పంచ్ ఉయ్యాల నరేష్ గౌడ్ కొబ్బరికాయ కొట్టి కార్యక్రమాన్ని ప్రారంభించారు.

అనంతరం అమ్మవారి విగ్రహాన్ని గ్రామంలోని వివిధ వీధుల గుండా ఊరేగింపుగా తీసుకెళ్లి ప్రతిష్ఠాపన కార్యక్రమాన్ని నిర్వహించారు. ఈ సందర్భంగా భక్తులు భక్తిశ్రద్ధలతో పాల్గొని అమ్మవారిని దర్శించుకున్నారు.

ఈ కార్యక్రమంలో గ్రామ పెద్దలు సుంకరబోయిన నరసింహ, ఉయ్యాల లింగస్వామి, సుంకరి అశోక్, మట్టిపెళ్లి నాగరాజు, ఉయ్యాల నరసింహతో పాటు గ్రామస్థులు, భక్తులు అధిక సంఖ్యలో పాల్గొన్నారు.