నాటు సారా కేసుల్లో ముగ్గురు పాత నేరస్తుల బైండ్ ఓవర్

ఏలూరు జిల్లా, నూజివీడు: నాటు సారా రహిత ఆంధ్రప్రదేశ్ లక్ష్యంగా ప్రభుత్వం అమలు చేస్తున్న నవోదయం–2.0 కార్యక్రమంలో భాగంగా నూజివీడు ప్రొహిబిషన్ అండ్ ఎక్సైజ్ స్టేషన్ పరిధిలో ముగ్గురు పాత నేరస్తులను బైండ్ ఓవర్ చేశారు.

ఏలూరు జిల్లా డిప్యూటీ కమిషనర్ ఆఫ్ ప్రొహిబిషన్ అండ్ ఎక్సైజ్ బి. శ్రీలత, అసిస్టెంట్ కమిషనర్ నాగ ప్రభు కుమార్, డిస్ట్రిక్ట్ ప్రొహిబిషన్ అండ్ ఎక్సైజ్ ఆఫీసర్ అవులయ్య ఆదేశాల మేరకు ఈ చర్యలు చేపట్టారు. నూజివీడు ఎక్సైజ్ స్టేషన్ పరిధిలోని పోతనపల్లి గ్రామానికి చెందిన ముగ్గురు పాత నేరస్తులను చాట్రాయి తహసీల్దార్, మండల కార్యనిర్వాహక మేజిస్ట్రేట్ జి.శ్వేత ఎదుట హాజరుపరిచి బైండ్ ఓవర్ చేశారు.

బైండ్ ఓవర్ ప్రక్రియలో భాగంగా నాటు సారా తయారీ, విక్రయం, రవాణా తదితర ఎక్సైజ్ నేరాలకు దూరంగా ఉండాలని అధికారులు హెచ్చరించారు. ఈ బైండ్ ఓవర్ ఒక సంవత్సరం కాలపరిమితి కలిగి ఉంటుందని తహసీల్దార్ స్పష్టం చేశారు. ఈ కాలంలో మళ్లీ ఎక్సైజ్ నేరాలకు పాల్పడితే సంబంధిత వ్యక్తులపై రూ.1 లక్ష జరిమానా విధించే అవకాశం ఉంటుందని, ప్రభుత్వ పథకాల ప్రయోజనాలు కూడా రద్దయ్యే అవకాశం ఉంటుందని హెచ్చరించారు.

బైండ్ ఓవర్ చేసిన వారిలో

బానవతు విజయ్ కుమార్, తండ్రి రామారావు, పోతనపల్లి

బానవతు ధనలక్ష్మి, భర్త చిన్న వెంకట సీతారామయ్య, పోతనపల్లి

బానవతు రాము, తండ్రి మంచ, పోతనపల్లి

నాటు సారా తయారీ, విక్రయాలకు అడ్డుకట్ట వేయడంతో పాటు పాత నేరస్తులపై నిఘా కొనసాగించేందుకు ఎక్సైజ్ అధికారులు చర్యలు చేపడుతున్నారు.