సంగారెడ్డి జిల్లాలో విషాదం.. ఒకే కుటుంబానికి చెందిన ముగ్గురు మృతి

మనూరు: మనూరు మండల కేంద్రంలో బట్టలు ఉతకడానికి వెళ్లిన సమయంలో జరిగిన ప్రమాదంలో ముగ్గురు ప్రాణాలు కోల్పోయారు. మృతులను నరసింహారెడ్డి (45), సంగమేశ్వర్ రెడ్డి (42), కృష్ణవేణి (38)గా గుర్తించారు.

సమాచారం ప్రకారం.. నరసింహారెడ్డి, సంగమేశ్వర్ రెడ్డి మృతదేహాలను స్థానికులు వెలికితీశారు. నరసింహారెడ్డి భార్య కృష్ణవేణిని చికిత్స నిమిత్తం నారాయణఖేడ్ ఏరియా ఆసుపత్రికి తరలించారు. అక్కడ చికిత్స పొందుతూ ఆమె మృతి చెందారు.

ఈ ఘటనకు సంబంధించిన సమాచారాన్ని నరసింహారెడ్డి కుమారుడు హర్షవర్ధన్ గ్రామస్తులకు తెలియజేశారు. ముగ్గురి మృతితో స్థానికంగా విషాదం నెలకొంది.

ప్రమాదానికి గల పూర్తి కారణాలు తెలియాల్సి ఉంది.