ధర్మపురిలో పారదర్శకంగా చేయూత పెన్షన్ దరఖాస్తుల పరిశీలన
ధర్మపురిలో పారదర్శకంగా చేయూత పెన్షన్ దరఖాస్తుల పరిశీలన: మున్సిపల్ చైర్‌పర్సన్ వేముల నాగలక్ష్మి
ధర్మపురి, అక్టోబర్ 13న్యాయం న్యూస్
తెలంగాణ రాష్ట్ర ప్రభుత్వం అత్యంత ప్రతిష్టాత్మకంగా ప్రవేశపెట్టిన 'చేయూత పెన్షన్' పథకం అమలులో భాగంగా, దరఖాస్తు చేసుకున్న లబ్ధిదారుల అర్హత నిర్ధారణ ప్రక్రియను ధర్మపురి పట్టణంలో పారదర్శకంగా నిర్వహించారు. ఈ కార్యక్రమానికి జిల్లా ప్రజా పరిషత్ ముఖ్య కార్యనిర్వహణ అధికారి సీఈఓబి. గౌతమ్ రెడ్డి ముఖ్య అతిథిగా హాజరై దరఖాస్తులను క్షుణ్ణంగా పరిశీలించారు.
ఈ కార్యక్రమంలో ధర్మపురి మున్సిపల్ చైర్‌పర్సన్ వేముల నాగలక్ష్మి ప్రత్యక్షంగా పాల్గొని అధికారులతో కలిసి దరఖాస్తుల పరిశీలనను పర్యవేక్షించారు.
ఈ సందర్భంగా మున్సిపల్ చైర్‌పర్సన్ శ్రీమతి వేముల నాగలక్ష్మి మాట్లాడుతూ... అర్హులైన ప్రతి ఒక్క పేదవాడికి చేయూత పెన్షన్ అందించాలనే సత్సంకల్పంతోనే రాష్ట్ర ప్రభుత్వం ఈ వెరిఫికేషన్ ప్రక్రియను చేపట్టిందని స్పష్టం చేశారు. అర్హులైన ప్రతి లబ్ధిదారుడికి ప్రభుత్వ సంక్షేమ ఫలాలు పూర్తిగా అందేలా అన్ని చర్యలు తీసుకుంటున్నామని ఆమె తెలిపారు.
అదేవిధంగా, దరఖాస్తుల పరిశీలన ప్రక్రియను ఎటువంటి పొరపాట్లకు తావులేకుండా అత్యంత పారదర్శకంగా నిర్వహించాలని, అర్హులైన ఏ ఒక్క నిజమైన లబ్ధిదారుడూ పెన్షన్‌కు దూరం కాకుండా అధికారులు ప్రత్యేక శ్రద్ధ వహించాలని ఆమె ఈ సందర్భంగా ఆదేశించారు.
