వివాహ వేడుకకు హజరైనా సిఎం రేవంత్ రెడ్డి

వివాహ వేడుకకు హాజరైన సీఎం రేవంత్ రెడ్డి

నూతన వధూవరులను ఆశీర్వదించిన ముఖ్యమంత్రి

హైదరాబాద్ | NTODAY News 

హైదరాబాద్ రాజేంద్రనగర్‌లోని మల్లికా గార్డెన్స్‌లో జరిగిన వివాహ వేడుకకు ముఖ్యమంత్రి ఎ. రేవంత్ రెడ్డి హాజరయ్యారు. షాద్‌నగర్ శాసనసభ్యుడు వీర్లపల్లి శంకర్ మేనకోడలు రాణి వివాహ వేడుకలో సీఎం పాల్గొని నూతన వధూవరులను ఆశీర్వదించారు.

వివాహ వేడుకకు హాజరైన ముఖ్యమంత్రి రేవంత్ రెడ్డికి కుటుంబ సభ్యులు స్వాగతం పలికారు. అనంతరం నూతన వధూవరులను కలిసి శుభాకాంక్షలు తెలియజేసి, వారు సుఖసంతోషాలతో, ఆయురారోగ్యాలతో జీవించాలని ఆకాంక్షించారు.

ఈ సందర్భంగా వివాహ వేడుకకు హాజరైన కుటుంబ సభ్యులు, బంధువులతో సీఎం రేవంత్ రెడ్డి కొద్దిసేపు మాట్లాడారు. ముఖ్యమంత్రి హాజరుకావడంతో వివాహ వేడుకలో సందడి నెలకొంది.

ఈ కార్యక్రమంలో ఎంపీ డాక్టర్ మల్లు రవి పాల్గొని నూతన వధూవరులకు శుభాకాంక్షలు తెలిపారు. కుటుంబ సభ్యులు, బంధువులు, సన్నిహితులు, పలువురు ప్రముఖులు కూడా వివాహ వేడుకలో పాల్గొన్నారు.