మార్కాపురం జిల్లాలో 19 మండలాలు కరువు మండలాలుగా గుర్తింపు

మార్కాపురం: ఎల్‌నినో ప్రభావంతో రాష్ట్రవ్యాప్తంగా కరువు పరిస్థితులు తీవ్రతరమైన నేపథ్యంలో రాష్ట్ర ప్రభుత్వం గురువారం కరువు మండలాలను ప్రకటించింది. మార్కాపురం జిల్లాలో మొత్తం 19 మండలాలను కరువు ప్రభావిత మండలాలుగా గుర్తించినట్లు సమాచారం.

గిద్దలూరు నియోజకవర్గంలోని కొమరోలు, గిద్దలూరు, బెస్తవారిపేట, అర్ధవీడు మండలాలు కూడా కరువు మండలాల జాబితాలో ఉన్నట్లు తలుస్తోంది.

కరువు మండలాలుగా గుర్తింపు పొందిన ప్రాంతాల్లో రైతులు, ప్రజలకు ప్రభుత్వం నుంచి అందే సహాయక చర్యలు, సంబంధిత రాయితీలు, ఇతర ప్రయోజనాలు అందే అవకాశం ఉంది. ప్రభుత్వం నుంచి తదుపరి మార్గదర్శకాలు వెలువడిన తర్వాత సహాయక చర్యలపై మరింత స్పష్టత వచ్చే అవకాశం ఉంది.