గోవింద్‌పేట్ గ్రామానికి కొత్తగా 52 పింఛన్లు మంజూరు

గ్రామ సర్పంచ్ అప్పల గణేష్ వెల్లడి.. ఆర్మూర్ కాంగ్రెస్ ఇన్‌చార్జి వినయ్ కుమార్ రెడ్డికి కృతజ్ఞతలు

ఆర్మూర్: మండలంలోని గోవింద్‌పేట్ గ్రామానికి కొత్తగా 52 పింఛన్లు మంజూరైనట్లు గ్రామ సర్పంచ్ అప్పల గణేష్ తెలిపారు. గ్రామంలోని అర్హులైన పేదలకు సామాజిక భద్రత కల్పించే దిశగా ఈ పింఛన్లు మంజూరు కావడం సంతోషకరమని పేర్కొన్నారు.

ఈ సందర్భంగా సర్పంచ్ అప్పల గణేష్ మాట్లాడుతూ.. గోవింద్‌పేట్ గ్రామానికి ప్రత్యేకంగా 52 పింఛన్లు మంజూరు చేయించడంలో కృషి చేసిన ఆర్మూర్ నియోజకవర్గ కాంగ్రెస్ ఇన్‌చార్జి ప్రొద్దుటూరి వినయ్ కుమార్ రెడ్డికి ప్రత్యేక ధన్యవాదాలు తెలిపారు. కొత్తగా పింఛన్లు మంజూరు కావడంతో అర్హులైన లబ్ధిదారులకు ఆర్థిక భరోసా లభిస్తుందని అన్నారు.

ప్రభుత్వం అందించే సామాజిక భద్రతా పింఛన్లు పేద కుటుంబాలకు ఎంతో ఉపయోగకరంగా ఉంటాయని, అర్హులైన వారికి ఈ పథకం ద్వారా లబ్ధి చేకూరుతుందని పేర్కొన్నారు. గ్రామానికి సహకరించిన వినయ్ కుమార్ రెడ్డికి గ్రామ ప్రజల తరఫున కృతజ్ఞతలు తెలియజేశారు.