చాట్రాయి జడ్పీటీసీ, ఎంపీటీసీలకు జనసేన నాయకుల ఘన సత్కారం

ఏలూరు జిల్లా, చాట్రాయి: చాట్రాయి మండల జడ్పీటీసీ తేళ్లూరి శేఖర్, చాట్రాయి ఎంపీటీసీ సవరం రామలక్ష్మిని చాట్రాయి మండల జనసేన పార్టీ నాయకులు మర్యాదపూర్వకంగా కలిసి శుభాకాంక్షలు తెలియజేశారు. ఈ సందర్భంగా వారికి శాలువాలు కప్పి ఘనంగా సత్కరించారు. జనసేన పార్టీ చాట్రాయి మండల ప్రధాన కార్యదర్శి మొండ్రు సురేష్ (తిరుపతిరావు), మండల కార్యదర్శి మిద్దె హరీష్, చనుబండ గ్రామానికి చెందిన జనసేన నాయకుడు విస్సాంపల్లి రాజా కలిసి ఈ కార్యక్రమంలో పాల్గొన్నారు. అనంతరం రాబోయే గ్రామ పంచాయతీ ఎన్నికల్లో కూడా కూటమి అభ్యర్థుల విజయానికి ప్రతి ఒక్కరూ సమన్వయంతో పనిచేయాలని, అందరూ కలిసికట్టుగా ముందుకు సాగాలని నాయకులు పిలుపునిచ్చారు.