చదవడం లేదంటూ 82 మంది విద్యార్థులకు సగం గుండు

మహారాష్ట్ర: మహారాష్ట్రలోని నాందేడ్ జిల్లా కిన్వట్ ప్రాంతంలోని ఓ ఆశ్రమ పాఠశాలలో విద్యార్థుల పట్ల అమానుషంగా వ్యవహరించిన ఘటన వెలుగులోకి వచ్చింది. సరిగ్గా చదవడం లేదనే కారణంతో 82 మంది విద్యార్థులకు సిబ్బంది బలవంతంగా సగం గుండు చేయించినట్లు ఆరోపణలు వచ్చాయి.

విద్యార్థులు భయంతో ఇళ్లకు వెళ్లి జరిగిన విషయాన్ని తల్లిదండ్రులకు చెప్పడంతో ఘటన వెలుగులోకి వచ్చినట్లు సమాచారం. విషయం తెలుసుకున్న తల్లిదండ్రులు ఆగ్రహం వ్యక్తం చేయడంతో అధికారులు స్పందించారు.

ఘటనపై అధికారులు తీవ్రంగా స్పందించి విచారణకు ఆదేశించినట్లు తెలుస్తోంది. విద్యార్థులకు సగం గుండు చేయించిన ఘటనపై పూర్తి వివరాలను సేకరిస్తున్న అధికారులు, బాధ్యులుగా తేలిన వారిపై చర్యలు తీసుకునే అవకాశం ఉంది.

ఈ ఘటనకు సంబంధించి పాఠశాల సిబ్బంది చర్యలకు దారితీసిన కారణాలు, విద్యార్థులపై వ్యవహరించిన తీరు తదితర అంశాలపై విచారణ కొనసాగుతోంది.