కాజీపేట డీమార్ట్ జంక్షన్‌లో మహిళను ఢీకొట్టిన కారు

తలకు తీవ్ర గాయాలు.. బాధితురాలికి 108 సిబ్బంది ప్రథమ చికిత్స, ఆస్పత్రికి తరలింపు

కాజీపేట: కాజీపేట డీమార్ట్ జంక్షన్ సమీపంలోని ఎఫ్‌సీఐ ఫుడ్ కోర్టు గోదాంలో పనిచేస్తున్న సారమ్మ అనే మహిళను కారు ఢీకొట్టింది. ఈ ప్రమాదంలో ఆమె తలకు తీవ్ర గాయాలయ్యాయి.

ప్రమాదం జరిగిన వెంటనే సమాచారం అందుకున్న 108 అంబులెన్స్ సిబ్బంది హుటాహుటిన ఘటనా స్థలానికి చేరుకున్నారు. గాయపడిన సారమ్మకు అక్కడే ప్రథమ చికిత్స అందించారు. అనంతరం మెరుగైన వైద్యం కోసం అంబులెన్స్‌లో ఆస్పత్రికి తరలించారు.

ఈ ప్రమాద సమయంలో 108 అంబులెన్స్ ఈఎంటీ చైతన్య, పైలట్ రాజు సింగ్ తక్షణమే స్పందించి బాధితురాలికి వైద్య సేవలు అందించారు. ప్రమాదానికి సంబంధించిన ఇతర వివరాలు తెలియాల్సి ఉంది.