ఆదివాసీ సంస్కృతి.. సంప్రదాయాల మధ్య సీఎం చంద్రబాబు

ఆదివాసీ సంస్కృతి.. సంప్రదాయాల మధ్య సీఎం చంద్రబాబు

కొమ్ము తలపాగా ధరించి థింసా నృత్యంలో గిరిజనులతో కలిసి అడుగులు.. డప్పు చేతపట్టి ఉత్సాహపరిచిన ముఖ్యమంత్రి

అమరావతి: అంతర్జాతీయ ఆదివాసీ దినోత్సవ వేడుకలు ఆదివాసీ సంస్కృతి, సంప్రదాయాల నడుమ ఉత్సాహభరితంగా సాగాయి. అంబేద్కర్ కళావేదికలో నిర్వహించిన ఈ వేడుకల్లో ముఖ్యమంత్రి చంద్రబాబు పాల్గొని గిరిజనులతో కలిసి సందడి చేశారు. గిరిజనుల సంప్రదాయ నృత్యాలు, కళారూపాలు ఆకట్టుకోగా.. ముఖ్యమంత్రి కూడా వారితో మమేకమయ్యారు. డప్పు చేతపట్టి గిరిజన కళాకారులను ఉత్సాహపరిచారు. అనంతరం కొమ్ము తలపాగా ధరించి థింసా నృత్యంలో గిరిజనులతో కలిసి అడుగులు వేశారు. దీంతో వేడుకల ప్రాంగణం సందడిగా మారింది. ఆదివాసీ సంస్కృతి, సంప్రదాయాలను పరిరక్షించడంతో పాటు వాటి విశిష్టతను ప్రపంచానికి చాటిచెప్పాల్సిన అవసరం ఉందని ఈ సందర్భంగా పలువురు పేర్కొన్నారు. తమ సంప్రదాయ నృత్యంలో ముఖ్యమంత్రి పాల్గొనడంతో గిరిజనులు ఆనందం వ్యక్తం చేశారు.