DSP భీమ్ రెడ్డి బినామీల ఇళ్లలో ఏసీబీ సోదాలు

హైదరాబాద్‌లో డీఎస్పీ భీమ్ రెడ్డికి సంబంధించిన బినామీలుగా అనుమానిస్తున్న వ్యక్తుల ఇళ్లలో అవినీతి నిరోధక శాఖ అధికారులు సోదాలు నిర్వహిస్తున్నారు. నగరంలోని ఎనిమిది ప్రాంతాల్లో ఏకకాలంలో ఈ తనిఖీలు కొనసాగుతున్నాయి. ఏసీబీ డీఎస్పీ గంగసాని శ్రీధర్ ఆధ్వర్యంలో ప్రత్యేక బృందాలు సోదాలు చేపట్టాయి. పలు కీలక పత్రాలు, ఆస్తులకు సంబంధించిన వివరాలు, ఇతర ఆధారాలను అధికారులు పరిశీలిస్తున్నట్లు సమాచారం. సోదాలు పూర్తయిన అనంతరం అధికారులు స్వాధీనం చేసుకున్న వివరాలు, తదుపరి చర్యలపై స్పష్టత వచ్చే అవకాశం ఉంది.