దోసకాయలపల్లిలో తీవ్ర తాగునీటి సమస్య.. పరిష్కరించాలని కలెక్టర్కు వినతి
ఆంధ్రప్రదేశ్
/
తూర్పు గోదావరి
.కోరుకొండ, Ntoday News, సెప్టెంబర్ 26: మండలంలోని దోసకాయలపల్లి గ్రామంలో గత 10 రోజులుగా తాగునీటి సమస్య తీవ్రంగా ఉందని గ్రామస్థులు తెలిపారు. సుమారు 2,000 కుటుంబాలు, 6,000 మందికి పైగా జనాభా ఉన్న గ్రామంలో నీటి సరఫరా సక్రమంగా లేక ప్రజలు ఇబ్బందులు ఎదుర్కొంటున్నారని పేర్కొన్నారు
తాగునీటితో పాటు వంట చేసుకోవడానికి, మరుగుదొడ్ల వినియోగానికి కూడా నీరు అందక ఇబ్బందులు పడుతున్నామని గ్రామస్థులు తెలిపారు. కొన్ని ప్రాంతాల్లో ఐదు, ఆరు రోజులుగా నీటి సరఫరా లేకపోవడంతో పరిస్థితి మరింత ఇబ్బందికరంగా మారిందని ఆవేదన వ్యక్తం చేశారు.
ఈ సమస్యపై వైఎస్సార్సీపీ దోసకాయలపల్లి గ్రామ అధ్యక్షుడు K. శివకుమార్ ఆధ్వర్యంలో జిల్లా కలెక్టర్కు వినతిపత్రం సమర్పించారు. గ్రామంలో నెలకొన్న తాగునీటి సమస్యను పరిశీలించి, వెంటనే పరిష్కార చర్యలు చేపట్టాలని కోరారు.
అత్యవసర పరిస్థితిని దృష్టిలో ఉంచుకుని గ్రామానికి ప్రత్యామ్నాయంగా ట్యాంకర్ల ద్వారా తాగునీరు సరఫరా చేయడంతో పాటు, నీటి సరఫరాలో ఏర్పడిన సమస్యకు శాశ్వత పరిష్కారం చూపాలని గ్రామస్థులు కోరుతున్నారు.
ఈ వినతిపత్రం ప్రతులను దోసకాయలపల్లి గ్రామ కార్యదర్శి, కోరుకొండ ఎంపీడీవోకు అందజేసినట్లు తెలిపారు.
