అనారోగ్యంతో బాధపడుతున్న బీజేపీ నాయకుడికి రూ.2.50 లక్షల ఎల్‌ఓసీ అందజేత
సంస్థాన్ నారాయణపురం: సంస్థాన్ నారాయణపురం మండల కేంద్రానికి చెందిన బీజేపీ సీనియర్ నాయకుడు నెర్లకంటి నాగరాజు అనారోగ్యంతో బాధపడుతున్న నేపథ్యంలో వైద్య ఖర్చుల కోసం రూ.2.50 లక్షల ఎల్‌ఓసీని అందజేశారు. ఎమ్మెల్యే కోమటిరెడ్డి రాజగోపాల్ రెడ్డి సహకారంతో మంజూరైన ఎల్‌ఓసీని సర్పంచ్ ఉప్పల విజయలక్ష్మి లింగస్వామి నాగరాజుకు అందజేశారు.
ఈ సందర్భంగా స్థానిక నాయకులు మాట్లాడుతూ అనారోగ్యంతో బాధపడుతున్న వారికి ప్రభుత్వం అందిస్తున్న వైద్య సహాయాన్ని సద్వినియోగం చేసుకోవాలని సూచించారు. అవసరమైన సమయంలో ఆర్థిక సహాయం అందడం వల్ల చికిత్సకు ఇబ్బందులు తగ్గుతాయని పేర్కొన్నారు.
ఈ కార్యక్రమంలో ఉప సర్పంచ్ పల్లె మల్లారెడ్డి, పంచాయతీ కార్యదర్శి నవీన్ కుమార్, మాజీ ఎంపీపీ గుత్త ఉమా ప్రేమ్ చందర్ రెడ్డి, మాజీ సర్పంచ్ కొండ్రెడ్డి నరసింహ, కాంగ్రెస్ పార్టీ జిల్లా నాయకులు మందుగుల బాలకృష్ణ, వార్డు సభ్యులు బల్గూరి శివ, సింగం బిక్షపతి, సూరపల్లి వెంకటేష్, కట్ల వనజ భాస్కరాచారి, చిలువేరు రమాదేవి శంకర్, పట్నం బాలకృష్ణ గౌడ్, నీళ్ల అనిత శంకర్, చింతల శైలజ సత్యనారాయణ, సింగపంగా ప్రశాంతి రమేష్, మహమ్మద్ అలీమా యూసఫ్ ఖాన్, పీఏసీఎస్ డైరెక్టర్ ఉప్పల కృష్ణ, కాంగ్రెస్ పార్టీ గ్రామ శాఖ అధ్యక్షులు బద్దుల మురళి, యూత్ కాంగ్రెస్ మండల ప్రధాన కార్యదర్శి ఉప్పల నాగరాజు, యూత్ కాంగ్రెస్ మండల కార్యదర్శి కొండ నవీన్ గౌడ్, బానోతు కిరణ్ నాయక్, గణేష్ నాయక్ తదితరులు పాల్గొన్నారు.
