తాను చదివిన బడికి మరిచిపోలేని సేవ

ఐడెంటిటీ కార్డుల పంపిణీ పూర్వ విద్యార్థి అంతటి ఈశ్వర్ గౌడ్

ప్రభుత్వ పాఠశాల అభివృద్ధికి తమ వంతు సహకారం అందించాలనే ఉద్దేశంతో అంతటి ఈశ్వర్ గౌడ్ విద్యార్థులకు ఐడెంటిటీ కార్డులను విరాళంగా అందించారు. సోమవారం పాఠశాలలో నిర్వహించిన  కార్యక్రమంలో విద్యార్థినీ, విద్యార్థులందరికీ ఐడెంటిటీ కార్డులను పంపిణీ చేశారు. ఈ సందర్భంగా అంతటి ఈశ్వర్ గౌడ్ మాట్లాడుతూ ప్రస్తుత తరంలో విద్యార్థులకు క్రమశిక్షణతో కూడిన విద్యాబోధన ఎంతో అవసరమని అన్నారు. పాఠశాల అభివృద్ధికి తన వంతు సహకారం ఎల్లప్పుడూ అందిస్తానని ప్రధానోపాధ్యాయులకు తెలిపారు. విద్యార్థిగా ఇదే పాఠశాలలో చదివి, అనంతరం ఆరు సంవత్సరాల పాటు ప్రైవేటు ఉపాధ్యాయుడిగా సేవలందించి, ప్రస్తుతం  పాఠశాల అభివృద్ధికి సహకరించడం అభినందనీయమని పలువురు పేర్కొన్నారు. ఈ కార్యక్రమంలో ప్రధానోపాధ్యాయులు చెరుకు పాండు, ఉపాధ్యాయులు సైదులు, రమాదేవి, అంతటి వనిత, గురిజహిమ బిందు, గంగాపురం సరిత, శంకరమ్మ, అంతటి ఈశ్వర్ గౌడ్, విద్యార్థులు తదితరులు పాల్గొన్నారు.