అన్నమయ్య జిల్లాలో డ్రంక్ అండ్ డ్రైవ్‌పై పోలీసుల ఉక్కుపాదం..!

 అన్నమయ్య జిల్లా ఎస్పీ ధీరజ్ ఆదేశాల మేరకు జిల్లావ్యాప్తంగా డ్రంక్ అండ్ డ్రైవ్, వాహన తనిఖీలు ముమ్మరంగా కొనసాగుతున్నాయి. మద్యం సేవించి వాహనం నడిపే వారిపై ఎలాంటి రాజీ లేకుండా కఠిన చర్యలు తీసుకుంటామని పోలీసులు స్పష్టం చేశారు.

నిబంధనలు ఉల్లంఘించిన వారికి భారీ జరిమానాలతో పాటు డ్రైవింగ్ లైసెన్స్ రద్దు చేసే అవకాశం కూడా ఉందని హెచ్చరించారు. ద్విచక్ర వాహనదారులు తప్పనిసరిగా హెల్మెట్ ధరించాలని, ప్రతి ఒక్కరూ ట్రాఫిక్ నిబంధనలు పాటించి తమ ప్రాణాలతో పాటు ఇతరుల ప్రాణాలను కూడా కాపాడాలని సూచించారు.

"అప్రమత్తతే భద్రత" అనే నినాదంతో ప్రమాదరహిత అన్నమయ్య జిల్లాను నిర్మించేందుకు ప్రజలంతా పోలీసులకు సహకరించాలని అధికారులు విజ్ఞప్తి చేశారు.